Şefa Barzanî ji bo koça dawî ya Ferhad Mihemed, sernivîskarê Kovara Gulan, sersaxiyê dixwaze

Îro Înê 13ê Mijdara 2026an, Şefa Barzanî, Serperiştiyarê Giştî yê Revenda Kurdistanî li Baregeha Barzanî, peyameke sersaxî û hevxemiyê pêşkêşî malbata rojnamevan Ferhad Mihemed, xebatkarên Kovara Gulan û hemû rojnamevanên Kurdistanê kir û koça dawî ya xwedê jêrazî wek valahiyeke mezin di navenda rojnamegeriya Kurdî de bi nav kir.

Ferhad Mihemed, sernivîskarê Kovara Gulan û yek ji pênûsên diyar û kesayetiyên naskirî yên warê rewşenbîrî û ragihandina Kurdistanê bû, ku di dirêjahiya temenê xwe yê pîşeyî de bi rêya Kovara Gulan û nivîs û karên xwe yên rojnamevanî ve xizmeteke berbiçav ji peyv û çanda kurdî re û gihandina zanyarî û hişyariyê ji xwendevanên navxweyî û Kurdistaniyên li derveyî welat re kiriye.

Naveroka peyamê:

Malbata rojnamevanê xwedê jêrazî kek Ferhad Mihemed
Xebatkarên hêja yên Kovara Gulanê
Hemû rojnamevanên Kurdistanê

Koça dawî ya pênûsekî diyar û rewşenbîrekî xemxûrê gelê me, kek Ferhad Mihemed, sernivîskarê Kovara Gulan û kesayetiyê naskirî yê warê rewşenbîrî û ragihandinê, valahiyeke mezin di navenda rojnamegeriya Kurdî de dihêle û ji dil em hemû xemgîn kirin.

Xwedê jêrazî di dirêjahiya temenê xwe yê pîşeyî de, mînakeke bilind a dilsozî, giranî û pabendbûnê bû bi nirxên niştimanî ve, bi rêya Kovara Gulan û nivîs û karên xwe yên rojnamevanî ve, karî xizmeteke mezin ji peyv û çanda kurdî re bike û bibe pireke xurt a zanyarî û hişyariyê ji bo xwendevanên navxweyî û Kurdistaniyên li derveyî welat jî.

Di vê kosta xemgîn de, bi navê xwe û Revenda Kurdistanî ve, ji kûrahiya dil ve em hevparê şîna we yên hêja ne, sersaxî û sebrê pêşkêşî malbata wî ya serbilind, hevkar û hevpîşeyên wî yên li Kovara Gulan, û hemû rojnamevanên Kurdistanê dikin.

Bîranîna kek Ferhad û bexşîna wî ya fikrî û pîşeyî dê her dem bi zindî bimîne, em ji Xwedayê mezin dixwazin giyanê wî bi dilovanî û mihrîbaniya xwe şad bike, cihê wî bihuşt be û sebir û aramiyê bide dilê her kesî.

Şefa Barzanî
Serperiştiyarê Giştî yê Revenda Kurdistanî li Baregeha Barzanî
13ê Mijdara 2026an