رۆژی دووشەمە ٧-٦-٢٠٢١ لە شاری دێنھاخ لە وڵاتی نیدەرلاند ، ئەندامانی ناوەندی ڕەوەندی کورد ، لەگەڵ کوردانی تاراوگە ، لە بەردەم پەرلەمانی ھۆڵەندا نارەزایان دەربڕی دژ بە حکومەتی تورک و ئەو شەڕو ماڵوێرانیەی ھێنراوەتە ھەرێمی کوردستان لە بڕینەوەی دارو درەخت و چۆڵکردنی دێھاتەکان و تێکدانی ژیان و گوزەرانی خەڵک ، لە دەرەنجامی ئەو ناکۆکیانە ٥ پێشمەرگە شەھیدکران و چەند پێشمەرگەش بریندار کران و ڕۆژی ٨ مانگیش پێشمەرگەیەکی دی شەھیدکرا ، ئەمەش لە بوونی ئەو گرژیانەی نێوان پەکەکە و حکومەتی تورکیا سەریان ھەڵداوە .
دەسپێک دەقیقە وەستان بۆ گێانی پاکی شەھیدانی کوردستان ، بەتایبەتی ٦ شەھیدی بێتاوان . بە سرودی نەتەوەی کورد ( ئەی رەقیب) .
وەک پەیامێک ناڕەزایەتیەکان لەو بارەیەوە دران .
