راپۆرتێکی گۆڤاری “Foreign Policy”ی ئەمریکی پێشبینی ئەوە دەکات ئێران یەک مانگی ماوە بۆ گەیشتن بە چەکی ناوکی، هەروەها راپۆرتەکە هۆشداری دا لە کەمتەرخەمی ئیدارەی جۆ بایدن کە رەنگە هەموو رۆژهەڵاتی ناوەڕاست هان بدات بەرەو کێبڕکێیەکی نوێی چەکی ناوکی.
بەپێی راپۆرتەکە، گەورە بەرپرسانی ئەمریکا ترسی ئەوەیان هەیە کە ئێران بە کردار خەریکە پەنا دەباتە بەر پلانی “ب” کە ئەویش دواخستنی دانوستانەکانە، بەڵام لە هەمان کاتدا ئامادەکاری دەکات بۆ گەیشتنی خێرا بە چەکی ناوکی.
ھەروەھا راپۆرتەکەدا ھاتووە، هەموو سەرچاوە ئەمریکی و نێودەوڵەتییەکان ئاماژە بەوە دەکەن کە حکوومەتی نوێی ئێران سوورە لەسەر ئەوەی ئێران لەژێر ناونیشانی بەردەوامبوونی دانوستانەکان لەگەڵ رۆژئاوا ئێران بکاتە “وڵاتێکی ناوکی”.