چەندین کۆچبەری کورد، کە ژن و منداڵیشیان تێدایە و دانیشتووی سنووری پارێزگای سلێمانین، لە شاری بەنغازی لیبیا گیریانخواردووە و، لەلایەن دەستەڵاتدارێتی شارەکەوە دەستبەسەرکراون و، لە رەوشێکی خراپدا دەژین.
نزیکەی مانگێکە 40 کۆچبەری کوردی دانیشتووی سنووری پارێزگای سلێمانی، لە بەنغازی لیبیا گیریانخواردووە و، لە لایەن دەستەڵاتدارێتی شارەکەوە دەستبەسەرکراون و، بارودۆخیان خراپە، ھەوڵەکانی گەڕاندنەوەی ئەو کۆچبەرانەش، کە بەنیازبوون خۆیان بگەیەننە وڵاتانی ئەورووپا بەردەوامن، بەڵام بەھۆی خراپی رەوشی ئەمنیی لیبیا و سەختی پەیوەندی بەستن لەگەڵ کۆچبەرەکان، تا ئێستا ھەوڵەکانی گەڕانەوەیان ئەنجامی نەبووە، لای خۆشیانەوە دەزگای لوتکە بۆکاروباری ئاوارە و پەنابەران لە ھەوڵی گەڕانەوەی ئەو کۆچبەرانەدایە