وەزارەتی نێوخۆ، هاوکات تویتی کرد، کە سیهۆفەر پشتگیری پێشکەشی ماریۆس کامیێنسکی هاوتا پۆڵەندییەکەی کردووە، “ئەڵمانیا بەشێوەیەکی زۆر کاریگەری لەسەر کۆچکردنی نایاسایی لە ڕێگەی بیلاڕووسەوە هەیە، من پێشنیار دەکەم بۆ زیادکردنی ڕێژەی پۆلیسیفیدڕاڵی”.
سیهۆفەر گوتیشی: “بۆ ئەوەی بە شێوەیەکی کاریگەر رێگری لە گەشتی نایاسایی بکرێت بۆ ئەڵمانیا، پێویستە لە خاکی پۆڵەندیدا ئێشکگری هاوبەش بەکار بهێنرێت” جگە لەوەش وەزیر بەڵێنی هاوکاری لۆجستیشی دا، بۆ نموونە لەگەڵ شوێنی نیشتەجێبوون و چاودێری.
یەکێتی ئەورووپا، حاکمی بیلاڕووس، ئەلێکساندەر لوکاشینکۆ تۆمەتبار دەکات بەوەی، کە بە ئەنقەست پەنابەران لە ڕۆژهەڵاتی نێوەڕاستەوە دەهێنێتە نێو یەکێتی ئەورووپا لە سەر سنوورەکانی پۆڵەندا، لیتوانیا و لاتڤیا، بۆ تۆڵەسەندنەوەی سزاکانی ئەورووپا لە دژی، بەپێی وەزارەتی فیدراڵی نێوخۆ، لە مانگی ئابەوە نزیکەی 4500 کەس سنووری پۆڵەندی – ئەڵمانیایان تێپەڕاندووە بەبێ مۆڵەتی چوونەژوورەوە.