لەگەڵ زیادبونى ژمارەى کۆچبەران لەسەر سنورى نێوان بێلاروس و پۆڵەندا، حکومەتى بێلاروس کەمپى کاتیان بۆ دروست دەکات.
ئاژانسى هەواڵى ریا نۆڤۆستى روسیا بڵاویکردەوە، تیمە فریاگوزارییەکانى سەر بەحکومەتى بێلاروس لە ناوچە سنورییەکانى نێوان وڵاتەکەیان و پۆڵەندا کەمپى کاتى بۆ کۆچبەران دروست دەکەن.
بەپێى هەواڵەکەى ئەو ئاژانسە روسیە، تیمە فریاگوزارییەکانى بێلاروس خێمە و مۆلیدەیان بردوەتە ئەو ناوچەیە بە مەبەستى ئامادەکردنى کەمپێک بۆ پەنابەران.
بەپێى وتەى بەرپرسانى حکومەتى بێلاروس، رۆژانە ژمارەى ئەو کۆچبەرانە زیاد دەکات کە روو لە ناوچە سنورییەکانى نێوان ئەو وڵاتە و پۆڵەندا دەکەن.
ئەوەش دواى ئەوە دێت کە ئەمرۆ ئەلیکساندەرلۆکاشینکۆ سەرۆکى بێلاروس فەرمانی کرد کە کەمپ بۆ کۆچبرەانى سەر سنورى وڵاتەکەى دروست بکرێت و خۆراکیشیان بۆ دابین بکرێت.
