لە دوو پارێزگای باکوورى کوردستان، بە هۆی خراپی کەشوهەوا و بەفرەوە، رێگای 296 ناوچەی نیشتەجێبوون داخراون.
شارەوانی وان لە راگەیەندراوێکدا ئاماژەی بەوەداوە، کە بە هۆی بەفرەوە، رێگای 287 ناوچەی نیشتەجێبوون داخراوە و، تیمەکانی شارەوانی ماوەی سێ رۆژە لە هەوڵی کردنەوەی رێگاکاندان.
بە هەمان شێوە لە پارێزگای بەدلیس، بەفر رێگای چەند گوندێکی داخستووە، بەڕێوبەری خزمەتگوزارییەکانی رێگاوبانی شارەکە، ئومیت کورتکان، بۆ ئاژانسى ئەنادۆڵ رایگەیاندووە، کە تیمەکانی شارەوانی لە هەوڵی کردنەوەی رێگای 9 گونددان، کە بە هۆی بەفرەوە داخراون.
هەروەها تیمەکانی شارەوانی، لە ناوەندی پارێزگاکە و شارۆچکەکاندا، بەفری سەر شەقامکان رادەماڵن، تا ئاستەنگ بۆ کار و ژیانی هاووڵاتییان درووست نەبێت.