Konfederasyona Revenda Kurdistanî di daxuyaniyekê de ragihandiye ku civîna xwe ya yekem saz kiriye û komîteya rêveberiya hatiye hilbijartin, serok, cîgir û endamên din ên komîteyê hatine destnîşankirin.
Daxuyanî:
Konfederasyona Revenda Kurdistanî di 11.01.2022an de yekem civîna Komîteya Giştî li dar xist.
Komîteya Giştî ya Konfederasyona Revenda Kurdistanî piştî nirxandina kongreyê, rewşa penaberên Kurd, danasîna endamên komîteyê û her wiha şêwaza hilbijartinê, hate hilbijartin.
Di Komîteya Rêveber de Îsmaîl Kamil, Kovan Amedî, Hewraman Elî Tofîq, Dr. Nûredîn Xoşnaw, Memo Mamoyî, Sazan Gurun û Kemal Çeko hene.
Piştî civîna Komîteya Giştî, Komîteya Rêveber li hev civiya û xebatên xwe di nava xwe de belav kirin.
Komîteya Rêveber:
Îsmaîl Kamil: Serokê Konfederasyonê
Hewraman Elî Tofîq: Berpirsê Ragihandinê û Cîgirê Serok
Mamo Mamoî wek berpirsê welatên Sovyeta berê
Kovan Amedî wek sekreter û karên rêxistinî,
Dr. Nûredîn Xoşnaw: Berpirsê Aboriyê
Sazan Gurun: Berpirsa Jinan
Kemal Çeko: Berpirsê Ciwanan
Komîteya Rêveber li ser çend bûyerên dawî yên wek girtina mamosteya zimanê Kurdî Zara Mihemedî ji ber ku mamosteya zimanê Kurdî ye 5 sal cezayê girtîgehê lê hatiye birîn jî axivî.
Konfederasyona Revenda Kurdistanî cezaya Zara Mihemedî ji bo zimanê Kurdî wek cezayeke ku li zimanê Kurdî hatibe kirin dibîne û bi tundî şermezar dikin. Bi her awayî wê li pişt Zara Mihemedî bin.
Di nava du salên dawî de li bakurê Kurdistanê ji bo perwerdeya Kurdî li dibistanan û fermîkirina zimanê kurdî kampanyaya îmzeyan hatine destpêkirin û Konfederasyona Revenda Kurdistanî piştgiriyê dide bijartina zimanê Kurdî û her cure xebatên ku xizmeta Kurd û Kurdistanê dikin.
