11 hevwelatîyên Şinoyî di du bûyerên cuda de ji alîyê dadwerîya komara Islamîya Îranê ve bi giştî 187 heyv cezaya zîndankirinê hatin sizadan.
Li gorî Rêxistina Mafên Mirovan Hengawê, şeş welatiyên Şinoyî ji aliyê şaxê yekemîn ê dadgeha şoreşê ya bajêr bi serokatiya dadwer Razî bi sûcdariya alîkarî û pêwendiya bi Partiya Demokrata Kurdistana Îranê (PDK-Î) ve hatin cezakirin.
Rahman Yûsivî, Kemal Qoyîtasî, Mihemed Xalid HemzePûr û Ebûbekîr Mînapak her yek ji wan 5 sal cezaya girtîgehê li wan hatiye birîn. Mamosteyê dibistanê Azîz Qadir Taj 3 sal cezaya girtîgehê û Selîm Şerîfî jî 2 sal û 6 meh cezaya girtinê li wan hatiye birîn.
Di çend rojên borî de pênc hemwelatiyên din yên bi navê Rehman Esedî, Ferhad Merûfî, Celal Qadirzade, Ubeyd Enwerî û Rêbwar Qeredarî ji aliyê heman dadgehê ve bi heman tawanbariyê 13 sal cezaya girtinê li wan hatibû birîn.