بەمەبەستی هاوکاریکردنی حکومەتی ئەنقەرە لەچارەسەرکردنی دۆسێی پەنابەران، کۆمسیۆنی ئەوروپا بڕی سێ ملیار یۆرۆ دەداتە تورکیا.
لەو چوارچێوەیەدا سەرکردەکانی یەکێتی ئەوروپا لە لوتکەیەکیاندا کۆمسیۆنی ئەوروپایان ڕاسپاردووە پێشنیازی خۆی ئامادە بکات بۆ چۆنێتی یارمەتیدانی پەنابەر سورییەکان لە تورکیا و ئوردن و لوبنان و چەند ناوچەیەکی دیکە.
لەم دواییەشدا حکومەتی ئەنقەرە داوایکردبوو چاوبخشێنرێتەوە بە رێککەوتنی لەگەڵ یەکێتی ئەوروپادا و تۆمەتباریشیکرد بەوەی راستگۆ نەبووە لە بەڵێنەکانی و هێشتا هەموو بڕە پارەکەشی پێ نەداون.
ئەوەش لە کاتێکدایە، ساڵی ٢٠١٦ یەکێتی ئەوروپا لەگەڵ تورکیا رێککەوتن لەسەر ئەوەی یەکێتییەکە زیاتر لە شەش ملیار یۆرۆ وەک یارمەتی بداتە تورکیا لە بەرانبەر پابەندبوونی بە میوانداریکردنی لە پەنابەرە نایاساییەکان.