کۆنفدراسیۆن داوا لە کوردانی دانیمارک دەکا دەنگ بە باریکان ئیسماعیل بدەن

کۆنفدراسیۆنی ڕەوەندی کوردستانی لە پەیامێکیدا، کە ئاڕاستەی کوردانی دانیشتووی وڵاتی دانیمارک دەکات بۆ هەڵبژاردنی پەرلەمانی یەکێتیی ئەوروپا دەنگ بە باریکان ئیسماعیل بدەن، ئەوەش لە پێناو کورد و کوردستان تا کوردێک ببێتە پەرلەمانتاری یەکێتیی ئەوروپا.

دەقی پەیامەکە:
سەرجەم کوردانی کوردپەروەری دانیشتووی وڵاتی دانیمارک ئاگادار دەکەینەوە، کە باریکان ئیسماعیل خانمە کوردێکی دانیشتووی دانیمارکە و بەربژێرە بۆ پەرلەمانی یەکێتیی ئەورووپا، وەک کۆنفدراسیۆنی ڕەوەندی کوردستانی داواتان لێ دەکەین، کە لە پێناو کورد و کوردستان دەنگی پێ بدەن تا لەو هەڵبژاردنەدا دەرچێت و ببێتە ئەندامی پەرلەمانی یەکێتیی ئەورووپا، بە هیواین هەموو کوردێکی دڵسۆز و کوردپەروەر بە دەم داواکەمانەوە بێن.

کۆنفدراسیۆنی ڕەوەندی کوردستانی