فیدراسیۆنی رەوەندی کوردستانی لە ئەڵمانیا، کۆڕبەندێکی دیالۆگ لە شاری مۆنستەری ئەو وڵاتە ساز دەدەن.
ڕۆژی شەممەی رێکەوتی ٢٠ی ئەیلوولی ٢٠٢٥، فیدراسیۆنی ڕەوەندی کوردستانی ئەڵمانیا، لە شاری مۆنستەر چالاکییەکی دیالۆگی بەناونیشانی:
«دیاسپۆرای کورد و کۆمەڵگەی مەدەنی لە ئەڵمانیا و کوردستان» بەڕێوەدەبەن.
لەو کۆڕبەندەدا، ژمارەیەک پرۆفیسۆر و پسپۆڕ و دکتۆر، کە خاوەن تاقیکردنەوە و پێشینەی زانستی و پەیوەندیداری ئەو بووارەن، بەشداردەبن و بە وتووێژەکانی خۆیان بابەتە گرنگەکانی دیاسپۆرای کورد شەن و کەو دەکەن.
ئەم چالاکییە، بە پشتگیری شارەوانیی مۆنستەر و بە هاوکاریی کۆنفیدەراسیۆنی ڕەوەندی کوردستانی بەڕێوە دەچێت، هاوکات لە ڕێی کەناڵی ئاسمانی کوردستان تیڤی ڕێکدەخرێت و دەگوازرێتەوە.
