ئێمە لە کۆنفیدراسیۆنی ڕەوەندی کوردستانی، سەرکۆنەی هێرشە مووشەکییەکانی ئەمڕۆی سەر بارەگاکانی پارتی ئازادیی کوردستان (PAK) لەسنووری هەولێر دەکەین، کە بەداخەوە بووە هۆی شەهیدبوونی پێشمەرگەیەک.
ئەم هێرشانە بە پێشێلکردنی ئاشکرای سەروەریی خاکی هەرێمی کوردستان و یاسا نێودەوڵەتییەکان دەزانین. گواستنەوەی کێشە ناوخۆییەکانی وڵاتانی دراوسێ بۆ ناو خاکی هەرێمی کوردستان ، زیان بە ئاشتی و سەقامگیریی ناوچەکە دەگەیەنێت.
وێڕای دەربڕینی سەرەخۆشی لە بنەماڵەی شەهید (موزەففەر محەممەدزادە)، ئێمە جەخت دەکەینەوە کە تەنیا ڕێگەی چارەسەر، دیالۆگی سیاسییە نەک بەکارهێنانی هێز.
کۆنفیدراسیۆنی ڕەوەندی کوردستانی
22ی کانوونی دووەمی 2026
