ژمارەیەك كۆچبەری كوردی هەرێمی کوردستان، لەسەر سنووری نێوان پۆڵەندا و بیلاڕووسیا گیریانخواردووە و، داوا لە حكوومەتی عێراق و هەرێمی كوردستان دەكەن، بە هانایانەوە بچن.
یەكێ لە كۆچبەرەکان باس لەوە دەكات، كە زیاتر لە 10 رۆژە بە بێ نان و ئاو گیریانخواردووە و، هیچكام لە پۆڵەندا و بیلاڕووسیا رێگەیان پێ نادەن داخڵی وڵاتەكانیان بن.
ئاماژەش بەوە دەدا، کە خێزان و منداڵیشیان لەگەڵدایە و، داوا لە حكوومەتی عێراق و هەرێمی كوردستان دەكەن، تا بە هانایانەوە بچن.