بەپێی میدیاکانی نزیک لە خزمەتگوزاری ڕۆژنامەوانی سەرۆککۆماری بیلاروس، ئەلێکساندەر لوکاشینکۆ، سەرۆکی ئەو وڵاتە لەڕێگەی تەلەفۆنەوە لەگەڵ سەرۆکوەزیرانی ئەڵمانیا بەوەکالەت گفتوگۆیان کردووە.
سەرۆکی بیلاروس ئەلێکساندەر لوکاشینکۆ و سەرۆکوەزیرانی ئەڵمانیا بەوەکالەت ئەنگێلا مێرکل، ئەمڕۆ چوارشەممە لە میانەی گفتوگۆیەکی تەلەفۆنیدا، قەیرانی کۆچبەرانی سنووری نێوان بیلاروس و یەکێتی ئەوروپا تاوتوێکرد و، گەیشتنە لێکتێگەیشتن لەسەر ڕێوشوێنەکان بۆ چارەکردنی کێشەکان.
لەسەر کردارەکانی دابێت بۆ چارەکردنی کێشەکانی ئێستا، ئەوان ڕازی بوون کە کێشەکە بە تەواوی بەرزبکاتەوە بۆ ئاستی بیلاروس و یەکێتی ئەوروپا، هاوکات بەرپرسانی پەیوەندیدار کە لە هەردوولادا دەستنیشانیان کراون، دەچنە دانوستانەوە بۆ چارەکردنی.
لە هەفتەی ڕابردوودا هەزاران کۆچبەری وڵاتانی ڕۆژهەڵاتی نێوەڕاست و ئەفریقی لە سنووری بیلاروسیا و پۆڵەندی کۆبوونەتەوە بەمەبەستی گەیشتن بە وڵاتانی ئەوروپا.
پۆڵەندا هەزاران سەربازی لەسەر سنورەکانی داناوە لەگەڵ چەکی قورس و سیستمی بەرگری ئاسمانیدا، کە بیلاروس بە مەترسی بۆ سەر ئاسایشی خۆی دەزانێ و، بەم شێوەیەش بوونی هەواڵگری خۆی لەسەر سنوورەکە زیادکردووە.