زاگرۆس غەریب: خۆشحاڵ بووم کە پێشکەشکاری کۆنگرەی کۆنفدراسیۆنی ڕەوەندی کورد بووم

زاگرۆس غەریب بێژەری هەواڵی کەناڵی ئاسمانی کوردستان تیڤی، دەڵێ هەمیشە هەستێکی جوانم لە نێو کوردانی تاراوگە بینیوە، بە تایبەت لەسەر ئەو بابەتانەی پەیوەندییان بە گەلی کوردەوە هەبووە، کۆبوونەتەوە و خۆپیشاندانیان ئەنجام داوە.
ئەو باسیشی لەوە کرد، کە لە کۆنگرەکەدا سەرنجی داوە، کوردی تێدابووە، کە وڵاتانی زۆر دوورەوە بۆ بەشداربوونیان لە کۆنگرەکە هاتوون و هەستێکی نەتەوەیی بەرزیان هەبووە، ئەوەی گەلی کوردیش پێویستییەتی کۆکردنەوەی کوردانە لە ژێر چەترێکدا بێ جیاوازی.