بەرپرسی ناوەندی ڕەوەندی کوردستانی-ئوسترالیا لەسەر بانگهێشتی وەزیری ژینگەی ئەو وڵاتە، بەشداری لە کۆبوونەوەی نوێنەرایەتی رێکخراوەکانی ڕەوەندەکانی نەتەوەکانی ئەو وڵاتە لەسەر پرسی ژینگە کرد.
ئەمڕۆ عەبدولوەهاب تاڵەبانی، بەرپرسی ناوەندی ڕەوەندی کوردستانی-ئوسترالیا، لەسەر بانگهێشتی جەیمس گریفن، وەزیری ژینگەی ئوسترالیا، بەشداری کۆبوونەوەی نوێنەرایەتی رێکخراوەکانی ڕەوەندەکانی نەتەوەکانی نیشتەجێی ئەو وڵاتە لە سیدنی پایتەخت کرد، کە تێیدا ھەندێ پێشنیار و رێنمایی لەژێر رووناکی ئەو گۆڕانکاریانەی لە کەش و ھەوای دونیادا روو دەدا و، هاوکات چۆنیەتی بەرگریکردن لە ژینگەی ئوسترالیا پرسی سەرەکی کۆبوونەوەکە بوون.
عەبدولوەهاب تاڵەبانی، بە ماڵپەڕی فەرمیی کۆنفدراسیۆن و ناوەندی ڕەوەندی کوردستانی و، ماڵپەڕی ڕەوەندی راگەیاند، کە خۆشحاڵبووە بەو بانگهێشتە، کە بە نوێنەرایەتی ناوەندی ڕەوەندی کوردستانی- ئوسترالیا و، کۆمەڵەی یەکگرتووی کوردانی ویلایەتی نیوساوث ويلز، بەشداری کۆبوونەوەکەی کردووە، هاوکات پاش تەواوبوونی کۆبوونەوەکەش، ماوەیەکی کورت لەگەڵ وەزیری ژینگەی ئوسترالیا گفوتگۆیەکیان کردووە و ئەو وێنەیەشیان چرکاندووە
