ناوەندی ڕەوەندی کوردستانی-دوسلدۆرف، لە شاری کریفێلدی ئەڵمانیا یەکەم کۆبوونەوەی خۆی، بە بەشداری جێگری سەرۆکی کۆنفدراسیۆنی ڕەوەندی کوردستانی، لەسەر چەند پرسێک ئەنجامدا .
ئەمڕۆ یەکشەممە، رێککەوتی 11ی6ی2023، بە بەشداری هەورامان عەلی تۆفیق جێگری سەرۆکی کۆنفدراسیۆنی ڕەوەندی کوردستانی، دەستەی کارگێڕی ناوەندی ڕەوەندی کوردستانی-دوسلدۆرف، یەکەم کۆبوونەوەی خۆیان دوای هەڵبژاردنی دەستەی نوێی ناوەندەکە ئەنجام دا.
کۆبوونەوەکە، لەسەر ڕۆشنایی بەرنامە و پلانەکانی کۆنفدراسیۆنی ڕەوەندی کوردستانی بەڕێوەچوو، کە کار و بەرنامە و پلانی ئایندە، گفتوگۆیان لەبارەوە کرا، هاوکات زۆر پرس و بابەتی تایبەت بە ناوەند و چالاکییەکانی لەسەر پرسی ئافرەتان و گەنجان و، بابەتی پەروەردەیی و هەوڵەکانی لیژنەی پەروەردە لە ناوەند، بۆ خويندنی زمانی کوردی لە هەندێ قوتابخانەی شاری کریفێلدی ئەڵمانیا تاوتوێکران.
جێی باسە، دواتر داڕشتنی بەرنامە و پلانی کار و چالاکییەکانی ناوەند، بۆ ئەمساڵ داڕێژرا و بڕیاریان لەبارەوە درا.