ناوەندی ڕەوەندی کوردستانی- بازلی سویسرا، هێڵی گشتی کار و چالاکییەکان و کارنامەی کاریان تاوتوێکرد.
ڕۆژی یەکشەممە، 2023.06.25 بە سەرپەرشتی سۆران حەسەن بەرپرسی ناوەندی ڕەوەندی کوردستانی-بازل، بە ئامادەبوونی دەستەی ناوەندەکە، کە پێکهاتبوون لە فەیزییە پەرێشان سکرتێری ناوەند و، شۆڕش ئۆردۆگان بەرپرسی پەیوەندییەکان و، ئەحمەد تەیموری، بە مەبستی دانانی هێڵی گشتی کاری ناوەندەکە کۆبوونەوە.
لە کۆبوونەوەکەدا هێڵی گشتی کار و چالاکییەکان و کارنامەی کاریان پەسەند کرد، کە تێیدا چەند لیژنەیەک بۆ کاراکردنی کارەکان پێکهات و، چەند بڕیارێکی پێوست لە بارەی جەژن و بۆنەکان، بەرنامەڕێژییان بۆ کرا.
لە کۆتاییدا دەستەی کارگێڕی بڕیاریاندا، هەوڵەکانیان لە بواری ناساندنی ناوەندی ڕەوەندی کوردستانی و، پەیوەندییەکانی لەگەڵ ڕێکخراوەکانی تایبەت بە هاوکاری و ڕێنماییەکانی فێربوونی زمانی دایک بۆ منداڵان چڕبکەنەوە.
س،ح
