ناوەندی ڕەوەندی کوردستانی-بەریتانیا لە بەردەم باڵیۆزخانەی عێراق لە لەندەن ،خۆپیشاندانێکی هێمنانەیان سەبارەت بەو پێشێلکارییانەی دەرهەق بە گەلی کورد لەلایەن میلیشیاکانەوە بەرامبەر بە کەرکووک و کورد دەکرێت ئەنجامدا.
ئەمڕۆ سێشەممە، رێککەوتی 5ی9ی2023 ناوەندی ڕەوەندی کوردستانی-بەریتانیا، بە ئامادەبوونی چەندان کوردی دانیشتووی لەندەنی پایتەختی بەریتانیا، خۆپیشاندانیان دژی ئەو پێشلکارییە مرۆڤایەتییانەی دژ بە کەرکووک و کوردانی ئەو شارە کوردستانییە سازدا.
ئەنجامدانی خۆپیشاندانەکەی ناوەندی ڕەوەندی کوردستانی لە شاری لەندەن، دژ بەو پێشیلکارییانەی میلیشیاکانی عێراق بوو دەرهەق بە کەرکووک و کورد، کە ڕۆڵەی کورد لەو شارە شەهید و بریندار دەکرێن، تێیدا چەندین درووشمی نەتەوەیی و دژ بە زوڵم و زۆری میلیشیاکانی عێراق وترانەوە و دەیان کورد بە هەڵکردنی ئاڵای پیرۆزی کوردستان بەشدارییان تێدا کرد.
