نوێنەری کۆنفیدراسیۆن بەشداری ئاهەنگی نەورۆزی خاکیپۆشان لە واشنتۆن کرد، کە تێیدا چەند چالاکییەکی نەتەوەیی ئەنجامدرا.
ڕۆژی شەممە ڕێكەوتی ٢٢ی مارسی ٢٠٢٥، مستەر كورد بەرپرسی ئۆفیسی پەیوەندییەكانی كۆنفیدراسیۆنی ڕەوەندی كوردستانی، بەشداریی ڕێوڕەسمی نەورۆزی خاکیپۆشان لە دەڤەری واشنتن كرد.
ڕێوڕەسمەكە بە دەسپێشخەری كۆمیتەی حیزبی دیموکراتی کوردستانی ئێران لە ئەمریكا و بەشداریی چالاكانەی كوردستانییان بۆ پشتگیری لە نەورۆزی خاکیپۆشان بەڕێوە چوو.
زۆربەی ئامادەبووان بە پۆشینی بەرگی كوردیی پشتیوانی خۆیان بۆ ڕێوڕەسمەكانی نەورۆزی ڕۆژهەڵاتی كوردستان دووپات كردەوە.
ڕێوڕەسمەكە بە سروودی نەتەوایەتیی ئەی ڕەقیب و ڕاگرتنی چەند ساتێک بێدەنگی بۆ گیانی پاکی شەهیدان و لە درێژەدا بە وتاری سیاسی و خوێندنەوەی شیعر و گۆڤەند و مۆسیقای كوردی درێژەی پێدرا.
ڕێوڕەسمەکە لەناو خۆشی و شادی بە شایی و هەڵپەڕکێی بەشداربووان کۆتایی پێهات.
