بە بۆنەی نەورۆز و سێزدەبەدەری بەهاری و سەرسالی کوردی ، ڕەوەندی کوردستانیانی ڤانکۆڤەر لەکەشێکی بەهاری و سەیراناوی کۆبوونەوە و ئاهەنگیان گێرا، ئەم گردبوونەوەیە بووە هۆی یەکتر ناسینی زیاتر و پتەوکردنی پەیوندی نێوان کوردانی هەر چوارپارچەی کوردستانی دانیشتووی ئەم شارە و ڕۆح و هێزی کوردایەتی لەم شارە بەهێزتر کرد .
لەم بارەوە عیسا مێرگەسۆری سەرپەرەشتی گردبوونەوەکە ڕایگەیاند نەورۆز و سەری ساڵی کوردی لە ڤانکۆڤەر لە کەشێکی دۆستانە و گەرم و گووڕ بەڕێوە چووە کە چەند برگەیەکی لە خۆ گرتبوو و بە گۆرانی و هەلپەرکێی کوردی تا ئێوارە بەردەوام بوو ، بەشداربووان رۆژێکی خۆش و کوردەواریان بردە سەر و بە ئۆمێدی بەردەوام بوونی ئەم جۆرە گردبوونەوانە و یەکگرتووی کوردانی ئەم شارە بوون .
