شاندی ناوەندەکانی ڕەوەندی کوردستانی سویسرا، بە سەرپەرشتی بەرپرسی ناوەندی بازل، بەشداری سیمینارێکیان لە شاری بێرن کرد.
ڕۆژی یەکشەممە ٢٧ی٤ی٢٠٢٥ شاندی ناوەندەکانی ڕەوەندی کوردستانی لە سویسرا، کە پێکهاتبوون لە سۆران حەسەن، فەیزییە پەریشان، عەلی عوسمان و حسێن ئۆزچان، بەشدارییان لە سیمیناری ناساندنی کتێبی نووسەر و پارێزەر نەجات زانیار کرد،کە لە لایەن فیدراسیۆنی کۆمکاری سەر بە کۆنفیدراسیۆنی ڕەوەندی کوردستانی، لە شاری بێرن ڕێکیانخستبوو.
سیمینارەکە سەبارەت بە ڕیشەی کورد و عەقڵییەتی کورد، کە ناونیشانی دوو بەرهەمی نوێی نووسەر بوو، ناوەڕۆکی کتێبەکانی بۆ ئامادەبووان شییکردەوە.
لە کۆتاییدا، سەرنج و پرسیارەکان لە لایەن ئامادەبووان ئاڕاستەی نووسەر کران و دوواتر وەڵام درانەوە، پاشان بە واژووی نووسەر لەگەڵ چەند بەرهەمێکی دیکەی، کتێبەکانی پێشکەشی ئامادەبووان کرد.