ل ژێر دروشمێ « خورتکرنا چاندا دیالۆکێ د ناڤبەرا رەڤەندا کوردستانی ل دیاسپۆرا و جڤاکا ئەلمانی و ئەوروپی »
ڕۆژا شەمبی رێکەفتی 20.09.2025 ل باژارێ مۆنستەر – ئەلمانیا، فەدەراسیۆنا کۆمەلێن کوردستانی کۆربەندەک دیالۆکێ ژ دوو بەشا پێک دهات لسەر ڕۆل و ئەزموونێن جڤاکا سڤیل ل ئەلمانیا و کوردستان و هەر وەها ڕۆڵ و ڕەوشا دیاسپۆرا کوردستانێ.
کۆربەند ژ لایێ ڕۆدی عەلی و میدیاکار دلبرین شنگالی جێگرێ سەرۆکێ فەدەراسیۆنا کۆمەلێن کوردستان ، إقبال داوود و سیما جەعفەر ( وەرگێر ) هات بڕێڤەبرن.
هەلبەت ئەڤ کۆربەند و دیالۆک ب سوپاسیڤە ژلایێ سپۆنسەریا کەنالا ئاسمانی یا کوردستان تیڤی و باژێرڤانیا مۆنستەر و نەنجومەنا خوەگونجاندنێ – Integrationsrat ) و کۆنفەدەراسیۆنا ڕەڤەندا کوردستانی هاتە لدراخستن .
دیالۆک ب خێرهاتن و خولەکەک ڕاوەستان وەك رێزگرتن ل گیانێ پاکێ جانگۆریێن مرۆڤاهیێ و ئاشتی و ئازادیێ دەستپێکرد.
خاتون ماریا ڤینکل (Maria Winkel) قایمەقاما باژێرڤانیا مۆنستەر پەیڤەك گرنگ و بواتە پێشکێش کرد.
نادر دۆغاتی سکرتێرێ کۆمیتەیا گشتی و سەرۆکێ فەدەراسیۆنا کۆمەلێن کوردستانی ل ئەلمانیا ، پەیڤا ڕێزدار شفا بارزانی سەرپەرشتیارێ دیسکێ دیاسپۆرا کوردستانی خوەند . هەر وەها پەیڤا فەدەراسیۆنا کۆمەلێن کوردستانی ل ئەلمانیا ژ لایێ إقبال داود ب زمابێ ئەلمانی هاتە خوەندن .
پەنەلا یەکەم پێکهاتبو ژ پرۆفیسۆر دکتۆر بیرگیت ئەممان (Frau Prof Dr. Birgit Ammann) و دکتۆر علی دۆلەمەری نوێنەرێ حکومەتا هەرێما کوردستانێ ل پایتەختێ فەرەنسا پاریسێ.
د پەنەلا یەکەمیندا ب تێر و تەسەلی لسەر ڕۆل وئاستەنگی ونێڕینێن پێشەرۆژێ لسەر جڤاکا سڤیل ل ئەلمانیا و کوردستانێ هاتن گوتوبێژ کرن و شرۆڤەکرن و هەر وەها ڕۆلێ ڕەڤەندا کوردستانی لدیاسپۆرا و جڤاکا سڤیل لوەلاتێن ئازاد و پێشکەفتی .
ل دوماهیا پەنەلێ خەلاتێ یەکەمین یێ فەدەراسیۆنا کۆمەلێن کوردستانی ژ بۆ دەزگەهێ خێرخوازی یێ بارەگایێ بارزانی وەک رێزگرتن ژ بۆ کار و خزمەتا وان ل سەرانسەری کوردستانێ.
پشتی ناڤبەرەک نان خوارنێ پەنەلا دویەمین دەستپێکر .
پەنەلا دویەمین پێکهاتبو ژ ئاوات موستەفا بەرپرسێ دەزگەهێ خێرخوازی یێ بارەگایێ بارزانی ل ئەورۆپا، و خوناڤ حاجۆ بەرپرسا کۆمەلا ڕۆناهی ل باژارێ بوخم.
هەر وەها ئاوات ب تێروتەسەلی بەحسا رۆلێ دەزگەهێ خێرخوازیێ بارەگایێ بارزانی ل سەرانسەری کوردستانێ کر . د هەمان کاتدا خاتون خوناڤ ل سەر رەوش و رۆلێ خوەگونجاندنێ وجڤاکا سڤیل ل ئەلمانیا ئاخڤی .