ناوەندی ڕەوەندی کوردستانی–برۆکسل پێشوازی لە بەرپرسی ئۆفیسی پەیوەندییە (نێودەوڵەتییەکان)ی کۆنفیدراسیۆنی ڕەوەندی کوردستانی کرد.
ڕۆژی پێنجشەممە، ٤ی ١٢ی ٢٠٢٥، مستەفا شاکر بەرپرسی ناوەندی ڕەوەندی کوردستانی–برۆکسل، پێشوازی لە ڕەحیم ڕەشیدی (مستەر کورد) بەرپرسی ئۆفیسی پەیوەندییە (نێودەوڵەتییەکان)ی کۆنفیدراسیۆنی ڕەوەندی کوردستانیی کرد.
لە کۆبوونەوەکەدا باس لە کار و چالاکی و پلانی داهاتووی ناوەند کرا، هەروەها پێویستی کار و تێکۆشانی زیاتر لە دایاسپۆرا ڕوون کرایەوە.
مستەفا شاکر ڕۆڵی “مستەر کورد”ی بە گرنگ و بەھێز باس کرد، کە لەپێناو پەرەپێدانی پەیوەندیی (نێودەوڵەتی) و کارە نەتەوەییەکانی کۆنفیدراسیۆنی ڕەوەندی کوردستانی ئەنجامیان دەدا.
هەروەها بەرپرسی ئۆفیسی پەیوەندییە (نێودەوڵەتی)یەکان، تیشکی خستە سەر ئەو کار و چالاکییانەی، کە لە ئاستی نێودەوڵەتییەوە بۆ دۆخی ڕەوای گەلی کوردستان ئەنجام دراوە، هاوکات چەند بابەتی گرنگی دیکەش گفتوگۆیان لەسەر کرا.
شایانی باسە، لەو دیدارەدا، فەرشاد گردەکانە و حەمێد سێنو بەشدار بوون.