ڕۆژی ٢٨ی٢ی٢٠٢٦ ئامادەبوونی ژمارەیەک کورد لە هەموو پارچەکانی کوردستان ڕەوەندی کوردستانی بازل بەشدارییان کۆبوونەوەیەکی گرنگ و بەبایەخ لەسەر زمانی دایک کرد
میوانی تایبەتی ئەم چالاکییە نووسەر و زمانزان مامۆستا ئۆسمان ئۆزچەلیک بوو. کە خەڵکی باکورى کوردستانە و لە ساڵی 1952دا لە ناوچەی دەریکا چیای مازی لەدایکبووە.
لەو سیمینارەدا، مامۆستا ئۆزچەلیک گرنگی زمانی دایکی بەشێوەیەکی سەلیقەیی و ورد ڕوونکردەوە و ئاماژەی بەوەدا کە:
«زمان نەتەوەیە؛ ئەگەر زمان لەناو بچێت، نەتەوەش دەمرێت.»
هەروەها ئاماژەی کرد کە لە نێوان نزیکەی 6 هەزار زمان کە ئێستا لە جیهاندا قسەیان پێدەکرێت، زمانی کوردی لە پلەی 31دایە، و بە پێی دەوڵەمەندیی فەرهەنگی و وشەسازی لە پلەی 8 دادەنرێت؛ ئەمەش نیشانەی ئەوەیە کە زمانی کوردی زمانێکی دەوڵەمەند و پڕبایەخە.
سیمینارەکە بە گفتوگۆ و پرسیار و وەڵام کۆتایی هات، و ئامادەبووان جەختیان لەسەر پێویستی پاراستن، فێرکردن و بڵاوکردنەوەی زمانی کوردی لە ناو نەوە نوێکان کرد.
ئەم کۆبوونەوەیە هەنگاوێکی گرنگ بوو بۆ زیندوو ڕاگرتنی زمانی دایک و بەهێزکردنی ناسنامەی نەتەوەیی لە دیاسپۆرادا