ناوەندی رەوەندی کوردستانی-بەلجیکا و کۆمەڵەی هێڤی، پێکەوە بەشداری فیستیڤاڵی ساڵانەی کولتورییان لە شاری لیوڤن کرد و جۆرەها چالاکیی کولتورییان پێشکەش کرد.
ڕۆژی شەممە ڕێکەوتی ٤ی٤ی٢٩٢٦ لە چوارچێوەی فیستڤاڵی کولتوریی ساڵانەی شاری لیوڤنی بەلجیکا، کە هەموو ساڵێک بۆ ناساندنی کولتور و فەرهەنگە جیاوازەکانی جیهان ڕێکدەخرێت، ئەم ساڵیش چەندان نەتەوە بەشداری بوون و نمایشی جیاواز و سەرنجڕاکێشیان پێشکەش کرد.
لەنێوان ئەو نەتەوانەدا، کورد وەک نەتەوەیەکی خاوەن مێژوو و کولتوریی دەوڵەمەند، بە شێوەیەکی بەرچاو بەشداری کرد. ئەم بەشدارییە لەلایەن دوو ڕێکخراوی چالاکی کوردییەوە ئەنجامدرا، وەک: کۆمەڵەی هێڤی و ناوەندی رەوەندی کوردستانی-بەلجیکا.
ڕێکخراوەکان بە هاوکاریی یەکتر نمایشێکی کولتوریی جوانیان پێشکەش کرد، کە بریتی بوو لە:
گۆرانی کوردی بە هاوکاریی تیپی میوزیکی نۆژین، گروپی هەڵپەرکێی کۆما چیایێ کرمانجی.
چەندان وڵات بەشداری بوون، وەک:
کرواتیا، ئیتالیا، ئیسپانیا، هەنگاریا و هەرێمی فلاندەرنی -بەلجیکا.
هەریەک لەمانە، بە جلوبەرگی کۆن و نیشتمانی، لەسەر شەقامەکان نمایشی سەما و میوزیک و گۆرانییان پێشکەش کرد، کە ڕەنگدانەوەی کولتوورییان بوو.
بەشداری کورد لەم فیستڤاڵەدا، گرنگییەکی زۆری هەبوو، چونکە پیشاندانی ناسنامەی کولووریی کوردی بۆ دروستکردنی پەیوەندی لەگەڵ نەتەوەکانی دیکە.
نمایشی کوردی بە هەڵپەرکێ و گۆرانی، زۆر بەدڵی ئامادەبووان بوو و پێشوازییەکی گەرمی باشی لێکرا.