بە ئامادەبوونی نوێنەری کۆنفدراسیۆن، هەردوو ناوەندی برۆکسل و بەلجیکا بە هەماهەنگی کۆمەڵەی هێڤی و رێکخراوی ئاشتی، ڕێکخراوی ماڵی ئیزیدیان، مەراسیمی یادی ١٢ ساڵەی جینۆسایدی کوردانی ئێزدییان کردەوە.
ئەمڕۆ دووشەمە ڕێکەوتی ٣ی٨ی٢٠٢٦، خاتوو ناسک نەسیری ئەندامی دەستەی بەڕێوەبەری فیدراسیۆنی نێودەوڵەتی زمانی کوردی و بە وەکالەتی بەرپرسی ناوەندی ڕەوەندی کوردستانی-بەلجیکا بە ماڵپەڕی KDC راگەیاند، کە ناوەندەکانی رەوەندی کوردستانی-برۆکسل و بەلجیکا بە هەمانگیی ماڵی ئێزیدییان و بە سەرپەرشتی خاتوو لەیلا چیلدێرگۆشی و کۆمەڵەی هێڤی و رێکخراوی ئاشتی و بە ئامادەبوونی هەرمن ئەحمەد نوێنەری کۆنفیدراسیۆنی رەوەندی کوردستانی، مەراسیمێکی تایبەتییان بۆ یادکردنەوەی ١٢ ساڵ تێپەڕین بەسەر جینۆسایدکردنی خوشک و برا کوردە ئێزدییەکانی شنگالیان لە ئۆفیسی ناوەندی برۆکسل بەڕێوە برد.
جێی باسە، بەشداربوان بریتی بوون لە کەسایەتی کورد و بەلجیکی و چالاکوان، کە سەرجەمیان داکۆکییان لە پاراستنی مافی نەتەوە و کەمینە ئایینییەکانیان کرد، کە لە وڵاتانی رۆژهەڵاتی ناوەڕاست دەژین.