ئۆکرانیا دوو سەربازی ڕووسیایی دەگرێت 

سوپای ئۆکرانیا ئەمڕۆ پێنجشەممە، دەستگیرکردنی دوو سەربازی ڕووسی ڕاگەیاند، کە بەشدارییان لە داگیرکردنی ئەو وڵاتەدا کردووە.

پەڕە فەرمییەکانی سوپای ئۆکرانیا، وێنەی ئەو دوو سەربازە بڵاویان کردووەتەوە.

پۆستی تویتەری سوپا، بە گوتەی ڤالێری زالۆگنی، فەرماندەی سوپای ئۆکرانی، گوتی: دوو سەربازی سوپای داگیرکەری ڕووسییان دەستگیرکردووە.

جێی باسە هێزەکانی ئۆکرانیا شوێنی دەستگیرکردنی سەربازە رووسەکانیان ئاشکرا نەکردووە.