مالیکی: سەدرییەکان ناتوانن دەنگی پێویست بێنن

سەرۆکی هاوپەیمانی دەوڵەتی یاسا ده‌ڵێ، هیچ فراکسیۆنێک بەبێ بەستنی هاوپەیمانێتی، ناتوانێ کابینەی حکوومەتی داهاتوو پێکبهێنێت.

لە دیدارێکی رۆژنامەوانیدا، نوری مالیکی سەرۆکی هاوپەیمانی دەوڵەتی یاسا رایگەیاند: هیچ فراکسیۆنێک بەبێ بەستنی هاوپەیمانێتی، ناتوانێ کابینەی حکوومەتی داهاتوو پێکبێنێت.

له‌ وه‌ڵامی سه‌ركرده‌یه‌كی ره‌وتی سه‌دریشدا، سەرۆکی هاوپەیمانی دەوڵەتی یاسا ئاماژەی بەوەدا، کە هاوپەیمانێتییەکەی زۆرترین دەنگ لە هەڵبژاردنی داهاتوو بەدەست دێنێت، هاوکات سەدرییەکان ناتوانن دەنگی پێویست بێنن.

شایانی باسه‌، پێشتر حاکم زاملی، سەرکردە لە رەوتی سەدر گوتبووی، هاوپەیمانێتییەکەی مالیکی ژمارەیەکی کەمی کورسی پەرلەمانی بەدەست دێنێت