پۆلیسی بەریتانیا ئەمڕۆ دووشەممە، ڕایگەیاند کە تەکسیەک لە لیڤەرپوڵی باکوری ئینگلتەرا ڕۆژی یەکشەممە تەقییەوە، ڕووداوێکی تیرۆریستی بووە، بەڵام هێشتا پاڵنەرەکانی ڕوون نییە.
پۆلیس ئەوەشی خستەڕوو، کە تەقینەوەکە بەهۆی تەقەمەنییەوە بووە و سەرنشینێک لەو تەقینەوەیەدا کوژراوە، گوتیشی: پێیانوایە ناسنامەی ئەو سەرنشینە دەزانن، بەڵام ناتوانن ئاشکرای بکەن.
ڕۆس جاکسۆن، لە پۆلیسی دژە تیرۆر گوتی: “هەرچەندە هێشتا پاڵێوگەی ئەم ڕووداوە تێنەگەیشتووە، بەڵام بە گوێرەی هەموو هەلومەرجێکی ڕووداوەکە، تەقینەوەکە وەک ڕووداوێکی تیرۆریستی پۆلێن کراوە و، پۆلیسی دژە تیرۆر بەردەوامن لە لێکۆڵینەوە.
ڕۆژی یەکشەممە پۆلیسی بەریتانیا سێ کەسی بە یاسای تیرۆ دەستبەسەرکرد، دوای ئەوەی ئۆتۆمبیلێک لە دەرەوەی نەخۆشخانەی لیڤەرپوڵ تەقییەوە و بەهۆیەوە کەسێک گیانی لە دەستدا و کەسێکی دیکەش بریندار بوو.
پۆلیسی دژە تیرۆر گوتی سێ کەس لە نێوان تەمەنی 21 تا 29 ساڵیدا لە ناوچەی کینسینگتۆن دەستبەسەرکراون، بەپێی بەندەکانی یاسای تیرۆر.