لە دوێنێ شەممەوە، زۆربەی شارە گەورەکانی ئەوروپا ڕێپێوانی هێمنانەی ئاشتی دژ بە لەشکرکێشی سوپای ڕووسیا و، پاڵپشتی بۆ گەلی ئۆکرانیا بەردەوامە.
لە ڕۆمای پایتەختی ئیتالیا بە هەزاران هاووڵاتی بەشداریان لە ڕێپێوانی ئاشتی کرد، کە لەلایەن ڕێکخراوە ناحکومییەکان و لە نێوەڕاستی ڕۆما ڕێکخرابوو، وە دروشمی ڕێپوانی ئاشتی، نا بۆ پۆ پۆتین، نا بۆ ناتۆ، یا داوای ڕاگرتنی شەڕیان دەکرد.
هەروەها لە شاری پاریسی پایتەختی فەرەنسا، بە هەزاران هاووڵاتی دژ بە شەڕ لە پێناو ئاشتی، شەقامەکانی پاریسیان گرتبوو، وە پاڵپشتی گەلی ئۆکرانیا و دژ بە لە شکرکێشی ڕووسیا دروشمیان بەرزکردبووەوە، ئەوەش بە بەرزکردنەوەی ئاڵای ئۆکرانیا و ئاڵای ئاشتی پشتگیری گەلی ئۆکرانیان دەکرد.
بەهەمان شێوە لە شارەکانی بەرلین، لەندەن، بێرن و مەدرید، ڕێپێوانی هێمنانە بۆ ئاشتی و دژ بە شەڕ هەبووە، وابڕیارە ئەمڕۆش یەک شەممە، بە هۆی پشووی هەفتەوە لە زۆربەی شارە گەورەکانی ئەوروپا ئەم ڕێپێوانانە بەردەوام بێت.
سۆران حەسەن