لە چەند ڕۆژی ڕابردوو لە دوو ڕووداوی جیادا، نزیکەی 11 کۆڵبەری خەڵکی شارەکانی جوانڕۆ و سەلاسی باوەجانی، لە کاتی چوون بۆ ناوچە سنوورییەکانی پارێزگای کرماشان بریندار بوون.
بە گوێرەی هەواڵی هەنگاو، لە چەند ڕۆژی رابردوو، بە هۆی وەرگەڕانی ئوتۆمبێلی هەڵگری ژمارەیەک کۆڵبەر لە نزیک گوندی قەڵاگای پاوە، نزیکەی 6 کۆڵبەری خەڵکی شارەکانی جوانڕۆ و سەلاسی باوەجانی بریندار بوون.
هاوکات لە ڕووداوێکی هاتووچۆی دیکەدا، کە لە نێوان بارهەڵگرێکی جۆری خاوەر و ئوتۆمبێلێکی جۆری پراید، کە هەڵگری کۆڵبەران بووە، لە نزیک شارۆچکەی شاهۆی ڕوانسەر، نزیکەی 5 کۆڵبەری خەڵکی سەلاسی باوەجانی بریندار بوون.
جێگای ئاماژەیە، کە لەو ڕووداوەدا شۆفێری پرایدەکە گیانی لە دەست داوە