سعودیە:دەیان تیرۆریست لە سێدارەدران

ئاژانسی فەرمی ڕۆژنامەوانی سعودی، بڵاویکردەوە، کە ئەمڕۆ شەممە، وەزارەتی نێوخۆی وڵاتەکەی لە سێدارەدانی ژمارەیەک تیرۆریستی ڕاگەیاند، کە سەر بە داعش و قاعیدە و حوسییەکان بوون.

وەزارەتی نێوخۆی سعودیە ڕایگەیاند، ئەو تیرۆریستانە تاوانی دیکەیشیان ئەنجامداوە، لەوانە ڕفاندن و ئەشکەنجەدان و دەستدرێژیکردن و دزیکردن بە چەک و نارنجۆک و قاچاخچێتی چەک و تەقەمەنی و بۆمب، دوای ئەوەی لایەنە ئەمنییەکان توانیان ئەو تاوانبارانە دەستگیر بکەن و لێکۆڵینەوەیان لەگەڵدا کرا، دانیان بە تاوانەکانیاندا نا، دوای داننانیان بە تاوانەکانیان، سزای لە سێدارەدانیان بەسەردا سەپێنرا

وەزارەتی نێوخۆی سعودیە ئاماژەی بەوەشداوە، کە لەنێو ئەو کەسانەی لە سێدارەدراون، سەر بە ڕێکخراوە تیرۆریستییەکانی وەک داعش و قاعیدە و حوسی و ڕێکخراوەکانی دیکە بوون و کاری هەواڵگریشیان بۆ کردوون.