هەواڵگری سوید ئاشکرای کرد، کە ژمارەی ئەو هاووڵاتییە بیانییانەی لە وڵاتەکەیان دەژین، دەکرێت بە هەڕەشەی ئەمنی پۆلێن بکرێن.
بە بۆچوونی ساپۆ، لەوانەیە ئەو بیانیانە لەو کەسانە بن، کە نیاز و توانای ئەنجامدانی تاوانی تیرۆریستیان لە سوید هەبێت.
گابریل فێرنستێت، گوتەبێژی رۆژنامەوانی ساپۆ، گوتی، هەواڵگری سویدی ئاماژەی بەوە کرد، کە هەندێ لەو بیانیانە لەوانەیە کار بۆ هێزە دەرەکییەکانیش بکەن.
ساڵی ڕابردوو، ژمارەی ئەو کەسانەی کە دەکرێت پۆلێن بکرێن وەک هەڕەشە، لە سەدا 25 زیادی کردووە، لە نزیکەی 200 بۆ زیاتر لە 250 کەس دەگرێتەوە.