ئەمەریکا پۆشاکی خۆپاراستن لە گازی ژەهراوی بۆ ئۆکرانیا ڕەوانەدەکات

بە گوێرەی ماڵپەڕی Politico، واشنتۆن هەستاوە بە رەوانەکردنى دەمامک و پۆشاک لە دژى گازی ژەهراوی و کەرەستەکانى دیکە بۆ ئۆکراینا، ئامانجیش، بۆ خۆپاراستنە لە دژى ئەگەرى بەکارهێنانى چەکی ناباو لەلایەن رووسەکانەوە دژ بە ئۆکرانیەکان.

ئەم هەنگاوەى ئەمەریکا، وەک وەڵامدانەوەى داواکارى ئۆکرانیا دێت، کە داوای کەلوپەلی خۆپارێزییان کردبوو لە دژى ئەگەرى پەلاماردانى چەکی کیمیایی لەلایەن رووسەکانەوە.

ئەمەریکا و هاوپەیمانە رۆژئاواییەکانى لەوە دەترسن، کە ڤلادیمێر پۆتین هەستێت بە فەرمانکردن بە بەکارهێنانى چەکی کیمیایی، بۆ تێکشکاندنى بەرەنگاربوونەوە سەختەکەی ئۆکرانیەکان. لە بەرامبەریشدا، کریملن هەستاوە بە تۆمەتهەڵبەستن لە دژى ئەمەریکا و ئۆکرانیا دەربارەى لێدانی چەکی بایۆلۆجی و کیمیایی. ئەمەش، وایکردووە بەرپرسە ئەمەریکییەکان بترسن لە پلانڕێژییەکی رووسیا بۆ ئەنجامدانى ئۆپەراسیۆنێک لەم بارەیەوە، بۆ ئەم مەبەستەش، ویلایەتە یەکگرتووەکان، هەستاوە بە دەستەبەرکردنى ماسک و پۆشاکی دژەگاز و چەند کەرەستەیەکی دیکە بۆ ئۆکرانیەکان