ئەمڕۆ سێشەممە، مانچستەر یونایتد ڕایگەیاند، کە کریستیانۆ ڕۆناڵدۆی ئەستێرەی پورتوگالی بەرانبەر لیڤەرپوڵ لە پریمەرلیگ یاریدەکات.
لە یارییەکی دواخراوی خولی 30ی خولی پریمەرلیگ، مانچستەر یونایتد میوانداری یانەی لیڤەرپوڵ و دەکات، هۆکاری بەشداری نەکردنی ڕۆناڵدۆ لەگەڵ مانچستەر یونایتد لە دەنگدانەوەی ڕاگەیاندنی دۆن بۆ مردنی منداڵەکەی بوو. مانچستەر یونایتد، لە هەژماری فەرمی تویتەر نووسیویەتی: “ئازارت ئازاری ئێمەیە، ئێمە لەمکاتەدا خۆشەویستی و هێز بۆ تۆ و بنەماڵەکەت دەنێرین”.
ئێوارەی ڕۆژی دووشەممە ڕۆناڵدۆ لە ئەکاونتی تایبەتی خۆی لە تویتەر نووسیویەتی: “بە خەمێکی زۆرەوە مردنی منداڵەکەمان ڕادەگەیەنین، ئەمە گەورەترین ئازارە، کە هەر دایک و باوکێک هەستی پێ بکات، تەنیا لەدایکبوونی منداڵەکەمان هێزمان دەداتێ، کە ئەم ساتە بە چەند هیوا و بەختەوەرییەک بژین و، پێمان خۆشە سوپاسی پزیشک و پەرستاران بکەین بۆ هەموو ئەو چاودێری و پشتیوانیانەی کە بۆمانیان دابین کردبوون”.
خۆشەویستەکەی ڕۆناڵدۆ، جۆرجینا، دووگیان بوو بە دووانەیەک، بەڵام یەکێکیان گیانی لەدەستدا.