ئافرەتێکی تەمەن ٦١ ساڵی خەڵکی بۆکان، بە ناوی نەرمین ئەحمەد ئابادی، لەلایەن هێزەکانی ئیتڵاعاتی ئەو شارەوە دەستبەسەرکراوە و، پاش لێپرسینەوە بۆ بەندی ژنانی گرتووخانەی ناوەندی ئورمیە گوازراوەتەوە.
بەگوێرەی هەواڵی ڕێکخراوی مافی مرۆڤی هەنگاو، سەرەتای مانگی خاکەلێوەی ئەمساڵ، نەرمین ئەحمەد ئابادی لەلایەن هێزەکانی ئیدارەی ئیتڵاعاتی بۆکانەوە دەستبەسەرکراوە و، بۆ دەستبەسەرگەیەکی ئەو ناوەندە ئەمنییە لە شاری ئورمیە گوازراوەتەوە.
نەرمین ئەحمەد ئابادی، دوای تەواوبوونی قۆناغی لێپرسینەوە، لە ڕۆژانی ڕابردوودا بۆ بەندی ژنانی گرتووخانەی ناوەندی ئورمیە گوازراوەتەوە و، ئێستا لەوێ ڕاگیراوە.
جێی باسە، نەرمین ئەحمەد ئابادی، لەلایەن دەزگا ئەمنییەکانەوە بە هاوکاریکردنی یەکێ لە حزبە کوردستانییەکانی دژبەری حکومەت تۆمەتبار کراوە.