بە سەرپەرشتی جێگری سەرۆکی کۆنفدراسیۆنی ڕەوەندی کوردستانی و بەرپرسی ڕاگەیاندن ، کۆبوونەوەیەک لەسەر چۆنییەتی کاری راگەیاندن کرا، کە بریتی بوون لە ماڵپەڕی فەرمی و رادیۆ و بۆ داهاتووش تەلەفزیۆن.
سەرەتای کۆبوونەوەکە هەورامان عەلی تۆفیق، جێگری کۆنفدراسیۆن و بەرپرسی راگەیاندنی ناوەندی ڕەوەندی کورستانی بۆچوونی خۆی لەسەر چۆنییەتی کارکردنی بۆ ئامادەبوانی کۆبوونەوەکە خستەڕوو، سوپاسی ئەرک و ماندووبوونی ستافی ڕاگەیاندنی کرد لە ماوەی کارکردنیان ، پاشان هەریەکە لە ئامادەبوانیش بۆچوونی خۆیان بۆ داهاتوو لەسەر چۆنیەتی کارکردن بۆ ماڵپەڕەکە، گفتوگۆیان کرد، هاوکات بۆچوونی خۆیان بۆ دەوڵەمەندکردن و پەرەپێدانی راگەیاندنی کۆنفدراسیۆن و ناوەندی ڕەوەندی کوردستانی خستنەڕوو.
جێی باسە، کۆی بۆچوونەکان لەلایەن بەرپرسی راگەیاندنی ڕەوەندی کوردستانی نووسرانەوە و دواتر وەک پاکێجێک دەبێتە رێ نیشاندەری کارەکانی داهاتووی ماڵپەڕ و رادیۆ و داهاتووش تەلەفزیۆنی رەوەند.