پاسەوانی کەناراوەکانی یۆنان ڕایگەیاند، لە گەورەترین هەوڵی کۆچبەرانی ئەمساڵدا، نزیکەی 600 کۆچبەر ڕێگرییان لێکراوە، کە لە دەریای ئیجەوە بپەڕنەوە یۆنان.
میدیاکانی یۆنان ڕایانگەیاندووە، کە پاسەوانی کەناراوەکانی یۆنان، سەدان کۆچبەریان گەڕاندووەتەوە، کە لە تورکیاوە و لە دەریای ئیجەوە ویستوویانە بە دوورگەکانی یۆنان بگەن.
وتەبێژی پاسەوانی کەناراوەکان بە ئەی ئێف پی ڕاگەیاند، کە بەیانی ڕۆژی دووشەممە بە دوو بەشێ جیا پێنج بەلەم و چوار بەلەم، کەنارەکانی تورکیایان جێهێشتووە و لە ئاوی تورکیای نزیک دوورگەکانی چیۆس و سامۆسی یۆنانی هاتوون، کاتێ پاسەوانی کەناراوەکانی یۆنان پێیان دەزانن، بە خێرایی توانیان بەلەمەکان بدۆزنەوە و پاسەوانی کەنارەکانی تورکیا ئاگاداربکەنەوە و، هەموو بەلەمەکانیان گەڕاندۆتەوە.