خێزانێک دوای 4 کاتژمێر مانەوەیان لەناو رووباری هیزلی سەر سنوور، لەلایەن هێزەکانی ئاسایش و بەرگری شارستانی زاخۆ رزگار کران
بەرەبەیانی ئەمڕۆ دووشەممە، خێزانێکی 9 کەسی دانیشتووی هەولێر، لەگەڵ قاچخچییەک بەرەو تورکیا بەڕێدەکەون، لەڕێگا و لەناو رووباری هیزل، کە دەکەوێتە ناوچەی سنووری هەرێمی کوردستان و تورکیا، جێیان دەهێڵێت.
وەک سایتی کوردستان24 بڵاویکردۆتەوە: دوای 4 کاتژمێر مانەوەی ئەو خێزانە لەناو رووبارەکە، لەلایەن هێزەکانی ئاسایش و بەرگری شارستانی زاخۆ رزگار کران.
ئەو خێزانە ویستویانە بەڕێگای نایاسایی بەرە تورکیا بڕۆن، بەڵام لەلایەن قاچخچییەکەوە فێلیان لێکراوە و، لەناو ڕووبارەکە بەجێهڵدراون و، دواتر لەلایەن هێزەکانی ئاسیش و بەرگری شارستانی گواستراونەتەوە بۆ زاخۆ و باری تەندروستیان جێگیرە.
سۆران حەسەن