ناوەندی ڕەوەندی کوردستانی لەدانیمارک ئیدانەی هێرشەکەی کۆپنهاگن دەکات
لیژنەی راگەیاندنی ناوەندی ڕەوەندی کوردستانی لە دانیمارک، لە پەیامێکیاندا، ئیدانەی هێرشەکەی دوێنێی سەر مۆڵەکەی کۆپنهاگن دەکەن، کە تێیدا چەندین هاووڵاتی بوونە قوربانی، هاوکات هاوخەمی خۆیان بۆ کەسوکاری کوژراوان رادەگەیەنن و، هیوای چاکبوونەوەش بۆ برینداران دەخوازن.
دەقی پایەماکە:
دوێنێ لە ڕێککەوتی ٣\٧\٢٠٢٢٢ لە یەکێ لە مۆڵەکانی کۆپنهاگن، کە شوێنێکی بازرگانییە، لەلایەن چەند کەسێکی بەڕەچەڵەک دانیمارکی، تەقەیان لە هاووڵاتییانی مۆڵەکە کردووە و، لە ئاکامدا چەند کوژراو و برینداری لێ کەوتەوە.
ئەوەی کە باس دەکرێ، ئەمانە گرووپێکی ڕاسستن، کە تەقەیان لە پەنابەرەکان واتە سەر ڕەش کردووە، ئێمە وەك دیاسپۆرای کورد لە دانیمارک، ئیدانەی ئەو کارە تیرۆرستییە دەکەین و هیوادارین بکەرانی ئەو کارە بە سزای خۆیان بگەن.
هەر لەو پێناوەدا گەلی کورد بەگشتی و کوردانی نیشتەجێی دانیمارک بەتایبەتی، هاوخەمی خۆمان بۆ کەسوکاری کوژراوان رادەگەیەنین و، هیوای چاکبوونەوە بۆ برینداران دەخوازین .
لیژنەی ڕاگەیاندنی ناوەندی ڕەوەندی کوردستانی-دانیمارک
دڵخواز هاشم بەزاز
٤\٧\٢٠٢٢