بەبۆنەی دەستنیشانکردنی نەدیم زەهاوی وەک وەزیری دارایی وڵاتی بەریتانیا، ناوەندی ڕەوەندی کوردستانی-بەریتانیا، لە پەیامێکیاندا پیرۆزبایی خۆیانی ئاڕاستە دەکەن و، هیوای سەرفرازی بۆ دەخوازن.
دەقی پەیامەکە:
بۆ بەڕێز نەدیم زەهاوی، بەبۆنەی دەستنیشانکردن و بوونتان بە وەزیری دارایی حکوومەتی بەریتانیا، پیرۆزبایی گەرمی خۆمانتان ئاڕاستە دەکەین، دڵخۆشین بە وەرگرتنی وەها پۆستێکی گرینگی وڵاتێکی بەهێزی وەک بەریتانیا، هیواخوازین لەو پۆستەدا سەرفراز و سەرکەوتوو بن، هاوکات ببنە هاندەرێک بۆ کوردانی دانیشتووی ئەو وڵاتە کە تێکەڵی سیاسەت و ئیدارە و کەلتووری وڵاتەکە بن و، لەو ڕێیەشەوە خزمەتێک بە گەلی بەریتانی بکەن، هاوکات کاریگەریشیان هەبێ بەسەر سیاسەتی ئەو وڵاتەوە بەرانبەر کورد.
ناوەندی ڕەوەندی کوردستانی-بەریتانیا
6ی7ی2022