بزووتنەوەی تاڵیبان دەڵێد، دوای پاشەكشەی هێزەكانی ئەمەریكا لەسێ دەروازەی فڕۆكەخانەی كابووڵ، ئێستا چەكدارەكانیان كۆنترۆڵی ئەو دەروازانەیان لە ئەستۆدایە.
ئاژانسی هەواڵی شینخوای چین، لە زاری ئینهام الله سامانجانی، بەرپرسێکی باڵای تاڵیبان بڵاویكردووەتەوە، یەكێ لەو دەروازانەی فڕۆكەخانەی كابووڵ، كە كۆنترۆڵیان كردووە، بەشی سەربازی فڕۆكەخانەكەیە، لە ئێستا سوپای ئەمەریكا كۆنترۆڵی بەشێكی كەمی فڕۆكەخانەكەی كردووە، ئەویش ئەو ناوچەیەیە كە سیستمی راداری لێیە.
هەیینی رابردوو، بزووتنەوەی تاڵیبان بڵاویكردەوە، چەكدارانیان چوونەتە ناو فڕۆكەخانەی كابووڵ و دەستیان بەسەر دەروازەی سەربازی فڕۆكەخانەدا گرتووە.