هاووڵاتییەکی خەڵکی سەلاسی باوەجانی، لە کاتی کارکردن لە شارۆچکەی بێستوون، بە هۆی تەقینەوەی مینەوە بریندار بوو.
بە گوێرەی هەواڵی ێکخراوی مافی مرۆڤی هەنگاو، بەرەبەیانی ڕۆژی سێشەممە 19ی ئۆکتۆبەری 2021، بە هۆی تەقینەوەی مین لە شارۆچکەی بێستوونی سەر بە شاری هەرسینی پارێزگای کرماشان، کرێکارێک بە ناوی ئارام ئەحمەدی تەمەن 28 ساڵ، کە خەڵکی گوندی زمکانی سەر بە شاری سەلاسی باوەجانییە بریندار بوو.
ئارام ئەحمەدی خێزانداره و بە هۆی قورسی برینەکانییەوە گوازراوەتەوە بۆ یەکێ لە نێوەندە دەرمانییەکانی کرماشان و، بە بڕیاری پزیشکەکان، دەبێ قاچی چەپی ببڕێتەوە.