درەنگانی ئەمشەو لەناوچەی زەعفەرانیەی باشوری بەغدا، لەلایەن هێزە ئەمنیەكانەوە دوو فڕۆكەی بێفڕۆكەوان دەخرێنە خوارەوە.
كەناڵی دجلەی ئاسمانی، لەوبارەیەوە رایگەیاندوە:” ئەمشەو دوو فڕۆكەی بێفڕۆكەوان كە هەڵگری بۆمب بوون، لەسەرووی سەربازگەی رەشید لەناوچەی زەعفرانیە خراونەتە خوارەوە”.
رونیشكراوەتەوە:” یەكێك لەفڕۆكەكان لەگۆڕەپانێكدا كەوتووەتە خوارەوەو هیچ زیانێكی نەبووە”.
هەر بەپێی زانیاریەكان هێزە ئەمنیەكان چوونەتە شوێنی كەوتنە خوارەوەی فڕۆكەكان و بەناوچەكەدا بڵاوەیان پێكراوە.
خێڵان بەختتار