'/%3E%3Cuse%20href='%23a'%20transform='rotate(240%20450%20300)'/%3E%3C/svg%3E){kind=small}
'/%3E%3C/svg%3E){kind=small}
بەناوی خودای بەخشندەی میهرەبان
مامۆستا لەتیف هەڵمەت، شاعیری نێوداری گەلەکەمان
بە داخ و پەژارەی زۆرەوە هەواڵی کۆچی دوایی خاتوو (سورەیا خان)ی هاوژین و هاوسەفەری تەمەنتانمان پێگەیشت.
کۆچی دوایی ئەم خانمە بەڕێزە، کە ساڵانێکی درێژ هاوبەشی ژیان و پشتیوانێکی دڵسۆزی کاروانی پڕ لە داهێنان و سەروەریی ئەدەبیی جەنابتان بوو، هەموومانی لە تاراوگە و ناوخۆی نیشتمان خەمبار کرد، ئێمە لە کۆنفیدراسیۆنی رەوەندی کوردستانی، وەک نوێنەری دەنگی کوردانی دیاسپۆرا، خۆمان بە هاوبەشی ڕاستەقینەی ئەم خەمە قووڵەتان دەزانین و پرسە و سەرەخۆشیی خۆمان ئاراستەی جەنابتان و تەواوی بنەماڵە تێکۆشەرەکەتان دەکەین.
لە پەروەردگاری دلۆڤان داواکارین، رۆحی پاکی خوالێخۆشبوو بە بەهەشتی بەرین شاد بکات و ئارامی و سەبووریی بە جەنابتان و خزم و دۆستانتان ببەخشێت، داوا لە خوای گەورە دەکەین دوا کۆست و ناخۆشیی بنەماڵە بەڕێزەکەتان بێت و هەمیشە سەلامەت و تەمەن درێژ بن بۆ خزمەتکردنی زیاتری فەرهەنگ و ئەدەبی کوردی.
رۆحی شاد و یادی هەمیشە بە خێر بێت.
کۆنفیدراسیۆنی رەوەندی کوردستانی
4ـی ئەیلوولی 2026