نۆیەمین ساڵڕۆژی ڕێفراندۆمی سەربەخۆییی کوردستان لە ستۆکهۆڵمی سوید بەرز راگیرا و پیرۆزباییش ئاڕاستەی سەرۆک بارزانی کرا.
ئەمڕۆ رێکەوتی ٢٥ی٩ی ٢٠٢٦، ناوەندی رەوەندی کوردستانی-سوید و فیدراسیۆنی کۆمەڵە کوردستانییەکان لە سوید و کۆمیتەی هاوکاریی پارتە سیاسییەکانی کوردستان، بە بۆنەی نۆیەمین ساڵڕۆژی ڕێفراندۆمی سەربەخۆیی کوردستان، یادی ئەو بۆنە مەزنە نەتەوەیییەیان کردەوە.
لە بۆنەکەدا ژمارەیەک لە کوردانی دیاسپۆرا و نوێنەرانی پارتە سیاسییەکانی کوردستان بەشدارییان کرد.
بەشداربووان پیرۆزبایی نۆیەمین ساڵڕۆژی ڕێفراندۆمیان ئاڕاستەی سەرۆکی نەتەوەیی و مەرجەعی کورد سەرۆک مەسعود بارزانی کرد و ڕێفراندۆمی ٢٥ی ٩ی ٢٠١٧یان بە یەکێک لە گەورەترین دەسکەوتە نیشتمانییەکانی کوردستان ناو برد.