ڕەجەب تەیب ئەردۆغانی سەرۆککۆماری تورکیا، سنوورداریەکی نوێی بۆ میدیاکانی وڵاتەکەی زیادکرد، لەژێر ناوی شەڕکردن لەگەڵ ئەوەی کە زیان بە بەها نەتەوەیی و ئەخلاقییەکان دەگەیەنێت.
لە ڕاگەیەنراوێکدا کە لە ڕۆژنامەی فەرمیدا بڵاوکراوەتەوە، ئاماژە بە پێوەرەکانی پاراستنی کەلتووری نەتەوەیی وڵات کراوە، هاوکات ڕێگەگرتن لە زیانگەیاندن بە منداڵان لە رێگەی بڵاوکراوە زیانبەخشەنەوە لە رێی میدیاکانەوە.
بە گوێرەی ئەو تێبینییە بە فراوانی پێناسەکراوە، کە حکوومەت لە ڕێگەی میدیاکانەوە ڕێوشوێنی یاسایی لە دژی هەر چالاکییەکی گشتی، یا شاراوە دەگرێتە بەر، کە بەها نەتەوەیی و ئەخلاقییەکان لاواز بکات و پێکهاتەی خێزان و کۆمەڵایەتی تێکبشکێنێت.
ساڵی 2020 پەرلەمانی تورکیا گۆڕانکاری ڕیشەیی لە ڕێنماییەکانی تۆڕە کۆمەڵایەتییەکاندا پەسەند کرد، کە بریتین لە غەرامە و سنووردارکردن و قەدەغەکردنی ئەو کۆمپانیایانەی لە تۆڕە کۆمەڵایەتییەکانەوە یاسا پێشێل دەکەن.
رێکخراوی ئازادی نێوخۆی تورکیا، دەڵێ، کە حکوومەت بەردەوام بووە لە فراوانکردنی هەوڵەکانی بۆ کۆنتڕۆڵکردنی سەرچاوەکانی هەواڵ و زانیاری ئۆنلاین.