وەزیرانی دەرەوەی وڵاتانی ئەندام لە هاوپەیمانیی نێودەوڵەتی دژی رێکخراوی تیرۆریستی داعش، کۆ دەبنەوە.
وەزارەتی دەرەوەی ئیتاڵیا لە بەیاننامەیەکدا رایگەیاندووە: بڕیارە رۆژی 29-6-2021، وەزیرانی دەرەوەی وڵاتانی ئەندام لە هاوپەیمانیی نێودەوڵەتی، لە رۆما کۆ ببنەوە.
هەروەک لە بەیاننامەکەدا هاتووە، لویجی دی مایۆ، وەزیری دەرەوەی ئیتاڵیا و ئەنتۆنی بلینکن، وەزیری دەرەوەی ئەمریکا سەرۆکایەتیی کۆبوونەوەکە دەکەن، کە تێیدا جەخت لە سووربوونی وڵاتان لە شکست پێهێنانی داعش دەکرێتەوە.